Małgorzata Mirga-Tas (b. 1978 ando Zakopane, Polska) kerel buhle koladžurja thaj picture dživdes kolorisarde. Ande peske pikture thaj tekstilo koladžurja i Mirga -Tas rodel e historikane ramosarimata thaj sa kadja, e akanutne eksperience andar savende nakhen e roma. Butivar voj sikavel scene andar lengo sake divesesko dživipe, phagerindos len le avrutne stereotipurjenca thaj anindos lenge kontradikcia vaš jekh nevi romani ikonografia kaj patjal ande peste. I komuniteta, i familia, o phralipe thaj le genoske relacie si bazutne teme ande laki artistikani opera. Lake protagonisturja si butivar e manuša kaj si paše ki artistka: familiake manuša, amala artisturja thaj aver vašno manuša andar i romani komuniteta.
I Bergitka – romani artistka barili ande jekh romani mahala andi Czarna Góra, Polska. Laki artistikani praktika si paše phangli ke lako aktivismo vaš i romani komuniteta. But šeliberša von sas sikavde pal o dikhipe le gadžikane artisturjengo, savenge pikture sikaven butivar rasistikane klišeurja bi lile samate – sar ande pikture katar o Otto Mueller. I Mirga-Tas sikavel kadala problematično imagine andar i historia le artaki thaj kerel negociacia pal lende ande peske pikture, ande peske tekstilo artake butja thaj koladžurja. I ekshibicia ande trin čhibja anavjardi Sivdem Amenge. Ich nähte für uns. I sewed for us, sa kadja vakerel pal i zorjarimaski rig andar lake artake butja.
fig. 1
fig. 2
I artistka kerdjas buti sar maj but tekstilurjenca ande palutne berša. Voj kerel buti maj but šejenca kaj sas lake dine, donisarde vaj kaj sas maj anglal hurjavde thaj kado anel ande lake artake butja jekh maj baro senso. I buti le tekstilenca, o sivipe thaj e broderie sas len but vrjama feminino thaj popularo hatjaripe; kadala tehnike sas dikhle sar vasteske telutne butja andi tradicionalo jerarhia le artengi. Le artake butja kerde katar i Mirga-Tas butivar sikaven scene andar o romano sake divesesko dživipe sikavindos emociasa peske dajan, peske phralen thaj peske verjen thaj amalen. Voj sikavel palem thaj palem o dživipe le džuvljengo, zorale džuvlikane modelurja thaj aktivisturja, sikavindos lengo vašnipe andi privato thaj publikani sfera. O keripe le artake butjengo mangel vi jekh komunalo akto: i Mirga-Tas kerel buti trine sivnjenca andar peski komuniteta, jekh andar lende si laki bibi. I Mirga-Tas kerel buti vi historikane fotografienca sar modelurja vaš peski buti. Ande neve artake butja kerde vaš kadaja ekshibicia i artistka kerel patreturja bidžangle romnjenge andar o Nacionalo Socialisto lagero andar o Berlino-Marzahn kaj kerelas pes buti pi zor.
fig. 3
\\
This text is an editorial adaptation of a longer profile provided by the Brücke Museum, where Małgorzata Mirga-Tas will present her first solo exhibition Sivdem Amenge. Ich nähte für uns. I sewed for us. from 26 June to 3 September 2023.
- IMAGE CREDITS
Cover: Małgorzata Mirga-Tas, Romnija Basiawen/Rainen (Roma women playing cards), 2023.
fig. 1: Małgorzata Mirga-Tas, One Roma Story PHRALA (brothers), 2023.
fig. 2: Małgorzata Mirga-Tas, One Roma Story PHORA (feathers), 2023.
fig. 3: Małgorzata Mirga-Tas, Ćerhenieskro dziwes (On a moony day), 2023.
